ភ្នំពេញ៖ នាយករដ្ឋមន្ត្រីនៃសាធារណរដ្ឋប្រជាមានិតឡាវ លោក ផនខាំ វីផាវ៉ាន់ នឹងអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា ពីថ្ងៃទី២៩ ដល់ថ្ងៃទី៣០ ខែវិច្ឆិកា ឆ្នាំ២០២១ខាងមុខ។

ក្នុងឱកាសអញ្ជើញបំពេញទស្សនកិច្ចផ្លូវការរយ:ពេល ២ថ្ងៃនៅកម្ពុជា លោកនឹងអញ្ជើញចូលក្រាបថ្វាយបង្គំគាល់ព្រះករុណាព្រះមហាក្សត្រនៃព្រះរាជាណាចក្រកម្ពុជាសម្ដេចព្រះបរមនាថ នរោត្តម សីហមុនី ប្រធានព្រឹទ្ធសភាសម្តេចវិបុលសេនាភក្តី សាយ ឈុំ ប្រធានរដ្ឋសភាសម្តេចពញាចក្រី ហេង សំរិន និងជួបពិភាក្សាទ្វេភាគីជាមួយនាយករដ្ឋមន្ត្រីកម្ពុជា សម្តេចតេជោ ហ៊ុន សែន ផងដែរ។

លោក ផនខាំ វីផាវ៉ាន់ ត្រូវបានបោះឆ្នោតជ្រើសរើសជានាយករដ្ឋមន្ត្រីឡាវក្នុងឆ្នាំ២០២១។ លោកធ្លាប់ជាអនុប្រធានាធិបតីឡាវ រដ្ឋមន្ត្រីក្រសួងអប់រំឡាវ និងជាប្រធានសមាគមមិត្តភាពឡាវ-វៀតណាម។